Traxectoria

Somos unha Asociación fundada no ano 1983, formada por persoas con diversidade intelectual, polos seus pais, familiares, ou representantes legais, e por todas aquelas persoas e entidades afíns a prestar apoios ás persoas con discapacidade intelectual.

Estamos rexistrados como entidade de iniciativa social, sen ánimo de lucro, declarada de utilidade pública no ano 2000, e temos como obxectivo a atención e promoción integral das persoas con discapacidade intelectual e das súas familias.

Nos inicios, en Aceesca tíñamos a sede nun edificio dos antigos xulgados de O Porriño, trasladándose no ano 1996 ás instalacións actuais, grazas ao terreo cedido por este Concello.

Momentos clave no noso percorrido:

1983

• Constitución da nosa Asociación e posta en funcionamento.

1985-1996

• Asinado o Concerto Educativo.
• Cesión dun terreo e inicio da construción das novas instalacións.
• Asinado convenio para prazas do Centro Ocupacional.
• Construción do módulo de Centro Educativo.

1997-2004

• Traslado ás novas instalacións en Torneiros.
• Declaración de Utilidade Pública.
• Asinado convenio para prazas do Centro de Día.
• Construción do módulo de Centro Ocupacional, Administración, Multiusos e Invernadoiro.
• Acceso ao emprego de 4 usuarios.

2005-2014

• Creación e Autorización do Centro Especial de Emprego: Aceesca Emprego, S.L.
• Construción do Centro de Día.
• Elaboración e aprobación do I Plan Estratéxico.
• Creación do Grupo de Autoxestores.

2015-2019

• Elaboración e aprobación do II Plan Estratéxico.
• Despregue do novo Modelo de Intervención: Área de Educación, Área de Adultos, Área de Emprego e Área de Familias.
• Acreditación en Calidade PLENA, etapa de Compromiso.
• Inicio do proceso de acreditación en Calidade EFQM.
• Certificación de Aceesca Emprego, S.L. en calidade ISO-9000.
• Acreditación de Aceesca como Entidade de Formación.

Aceesca - Asociación de Apoyo a Personas con Diversidad Intelectual
https://aceesca.com/
https://aceesca.com/index.php?V_dir=MSC&V_mod=showart&id=23